(لشاعر غير معروووف).....

لعنبو قصة غرام(ن)كل بوها كلمتين
ابتدينا عند احبك وانتهينا عند باي
تونا ما مشينا في الهوى لو خطوتين
وانتهى الموضوع كله حتى ما اعرف وش خطاي
وانتهت قصةحياتي بكل سهولة تحكمين
وين احبك ؟ وين اريدك ؟ وين ساكن في حشاي
يمكن انك ما وفيتي يوم جيتي تعشقين
ويمكن انك تحسبيني بتبعك من دون راي
ويمكن اصلا ما عشقتي بس كنتي تلعبين
ويمكن انك ما وصلتي في هواك لمستواي
ويمكن اني ما عرفتك في الحقيقة وش تبين
ويمكن اني خنت نفسي..يوم اعطيتك وفاي
علميني في الهوى يا جاهله وش تعرفين
تعرفين انك غديتي{شي}يجري في دماي
علميني في العطاء والتضحيه وش تفهمين
لعنبو حيك عشانك بعت اقرب اقرباي
كنت احطك في عيوني تسرحين وتمرحين
كنت اشيل هموم قلبك وارمي همومي وراي
كنت اطير من السعادة يوم اشوفك تضحكين
كنت ذايب في هواك مثل سكر وسط ماي
كنت نايم في العسل وارسم من الفرحه سنين
كنت اظنك قلب عاشق ماسكن وسطه سواي
مادريت الا وانتي في خفوقي تطعنين
مادريت الا وسيفك بالحشا...رايح وجاي
كنتي ورده بس والله ما حسبتك تجرحين
كل شي فيني جريح الا فخامة كبرياي
ماتأثرت بغيابك وش يعني دمعتين
بكرة انسى صدقيني وارجع بكامل قواي
ادري ان احنا افترقنا بس ابفهم حاجتين
علميني وش كسبتي ؟ وعلميني وش خطاي ؟
اصلا الموضوع كله ما تعدى كلمتين
التقينا عند {احبك} وافترقنا عند {باي}